Poda ni Dainang

amang, ala naung so boi be di ida ho au sahat tu tikkim sogot, ala nung jumpang tikki di au, sai ingot ma poda on, laho tukkot mu dibagas ngolum. rahuthon mai gomos digonting mi, jala pulos mai hot dibagas parningotan mu. "halak naburju manghorhon nadenggan doi tu dongan jolma, alai halak najukkat boi doi mambahen parbinotoan/pengalaman mai tu joloan. alai sai na mura do tutu tarida hasalaan i molo marimbanghon habonaron, ndang na mandok aha nabinereng mu na so suman i luhut na sala.

 "sotung unang olo ho mangangguhi hasalaan mi, tung so adong do manisia di portibion na so marsala, salpuhon angka hasalaan nabinahenmu tung boha pe partording na, dungi uduti parngoluon mu"

"sai ingot ma, tung aha pe hata naung haruar sian pamangan mu dohot pambahenan mu, tung na ikkon jujungon mu doi maradophon dongan jolma manang tung adong pe parungkilon sian i"
"manang ise na sai marungut ungut, ima na so hea mandok mauliate. alai tikki na so disadari hape angka basa basa do naung nijalona siganup ari sian Debata"

"haimbaruon i tung apala ringkot do, alani i partingkian torus do mardalan dohot manang so dohot ho disi, tung na so paimaon na do ho, molo sai so ndang olo ma-imbaruhon diri, ido dalan laho paturaparon ni sada sada jolma"

"hasianku, ra adong do sada sada ulaon na so dapot roham, alai ndang na mandok di sude ulaon na so dapot roham, nunuti mangula"
sude na nibegem i ndang na mandok sude na toho, manang aha na binereng mi ingkon ido na toho, alai ingkon luluan mu do habonaron i, jala sai ingkon dapot mu doi"

"unang ho olo mandele, pasabam roham sai marsurak surak ma ho, toho doi, godang do namambahen guga roham gabe asing sian na adong di roha ta"
"unang mattak ho holan alani partikkian, sai na dapotan do angka jolma na mangarophon angka nauli dijoloan ni ari"

"ingkon jujungon mu do goar mi, dohot angka namanghaholongi ho. ai ido narumingkot asa sai marmanat di pangalaho"

"marsiajar laho paturehon pangalaho, tung godang do hahurangan ni jolma, molo godang na sala godang do na lupa alai sai na adong do tikki laho paturehon i"

"molo parbinotoan mu hot sai holan songoni, unang sai paksahon pandapotmu molo adong dope pandapot na lobi sintong"

"radoti ma tu joloan ni ari tu angka na boi dungdung on, bahen na dipudi tu ingnanan na ai so sisigaton i tikki on"

"ndang halembaon molo mangulon sipata, lan ma dohot pambahenan na tarida??"
"ndang sude jolma boi mambahen manang mangulahon sada ulaon dibagasan na denggan, alai sude do jolma dilehon partikkian laho mambahen na denggan"

"molo tung pe mabiar marisuang ndang na ikkon gabe sidalian i dang mangulahon manang aha naboi niulam"
"tung so adong do hata na tarlambat laho mambahen na denggan, alana narumingkot adong do parsiajaran diganup bogas naung tatinggalhon"

"halak na maduma na sai torus doi mangula, nang pe tung godang angka parukkilon dibagas parngoluon na"
"nunut mangula alai ndang marparbue dumenggan doi sian na so mangula soada sitapuon na"
"marpanghiriman gabe na dumenggan sipata doi dipauru uru jolma manang ditadingkon angka dongan, alai sai mulak doi"

"pambahenan na sala ndang ikkon sisosalan mu marlobi lobi, alai mambahen hamubaon asa unang mulak muse gabe marisuang"
"haringkothon anka silean lean ni dongan, tung na gelleng pe i pamerengan mu alai na tung massai arga situtu doi di halak namangalehon"
"tung na so boi do dapot ta habonaron, molo ndang hea hita mar ias ni roha paholiphon angka na salah"

"gelar ndang manjamin parbinotoan ni sada jolma, suang songoni do umur dang manjamin hatuaon ni parange ni sada jolma"
"ditubuhon pe hita asa adong do gabe marparbue, ndang ikkon gabe partohonan, unang ho mabiar mambahen na denggan tu dirim"

"jotjot do hita lupa mandok mauliate di tonga tonga ni haporsukon manang parukkilon, hape ido narikkot di diritta asa dibagasan panghirimon ngoluta"
"saboha boha gelleng ni nadenggan na tabahen sian ias ni roha tung na so marisuang doi, ai nadenggan do balos ni nadenggan"

"tung godang do jolma manghaporsea i angka elat na tu dongan jolma jala mardingkan mambahen nauli dibagasan pamikkirion na, ulahon ma baliksa nai"
"molo tung pe sipata holsoan ho jala godang ngalut ni roha di pikkiran mu, sai ingot ma holan Debata do pangalu aluan ni angka na marroha"

"sai marlas ni roha ma ho mangula angka na denggan, ndang marna suda angka nadenggan na adong i tung pe ganup ari on dilehon ho tu angka jolma na manghirim hadengganon"
"parade roha dohot pikkiran mu sai patogu roham mambahen na denggan, unang marna sohot diganup tikkim, gabe jolma na marhabaoran ma ho di nahumaliang mu"
"hasabaron ni jolma na sai dijugulhon doi ganup ari, molo tung pe sadarion dang dapotmu, sai hasabarhon ma jala jugulhon mai, sai na dapotan do ho"

"SAI MAR LAS NI ROHA MA HO MANGULA NASA SIULAON MU, AI HO DO NA BOI MAMUKKA DOHOT NA PAUJUNGHON NA DI HO"


Source : FB Poda-Nauli-858447574248646